Ќе се одржат 45 КАРАМАНОВИ СРЕДБИ
И оваа година, Радовиш ќе празнува во чест на македонскиот Рембо – Ацо Караманов. Во деновите 22, 23 и 24 Ноември 2018 г. Радовиш ќе биде македонски, но и балкански Олимп на поезијата и ументоста. Центарот за култура Ацо Караманов Радовиш во соработка со библиотеката Браќа Миладиновци од Радовиш и Друштвото на писателите на Македонија ќе реализира богата програма во која на еден мултимедијален начин – со спој на сите уметности ќе се чествува ликот и делото на младиот македонски гениј – Ацо Караманов. Како што е општо познато Ацо Караманов, херојски загинува на 9 октомври 1944 година на само 17 години храбро, борејќи се за слободата на Македонија. Тој е првиот модерен македонски поет, којшто особено во македонската модерна поезија ги внесува импресионизмот и експресионизмот.
Во програмата на средбите ќе учествуваат триесетина уметници и поети – членови на ДПМ и гости од пет балкански земји, кои ќе се престават со врвни уметнички дела и креации. На централната манифестација на 23 ноември ќе биде доделена и наградата за најдобра поетска книга по распишаниот анонимен конкурс од страна на средбите. Во конкуренција од 40 поетски ракописи стигнати под шифра до Советот, овогодишен добитник на наградата Карманов е поетесата од Словенија со македонско потекло Соња Цекова Стојаноска за стихозбирката „Разгранети мисли во пајажина„. Во најтесен избор влегоа и стихозбирките на поетите: Даниела Андоновска Трајковска, Сузана Мицева и Михајло Свидерски. Советот на средбите за сите нив обезбеди вредни награди и признанија.
МАНИФЕСТАЦИЈАТА СЕ ОДРЖУВА СО ПОДДРШКА НА Министерството за кутура на Република Макеоднија, градоначалникот на општина Радовиш – Герасим Конзулов и рудникот Бучим.
Во прилог ви ја даваме програмата на манифестацијата.
ПРОГРАМА
22 НОЕМВРИ, ЧЕТВРТОК – „ТИ АМО ГАРДЕН“ РАДОВИШ
20, 30 час. „ПОЕТСКА СИНА НОЌ„ – МУЗИЧКО ПОЕТСКИ ПЕРФОРМАНС
СО ПОЕТИ ОД СТРАНСТВО –УЧЕСНИЦИ НА 45 КАРАМАНОВИ СРЕДБИ,
КАНТАВТОРОТ ЈОВИЦА ИЛИЌ, Македонска фолклорна група „КАЛИНА„ ОД ЉУБЉАНА – СЛОВЕНИЈА И ПЕТАР ПОПЛАЗАРОВ – МАЕСТРО НА ГИТАРА
23 НОЕМВРИ, ПЕТОК – Центар за култура „АЦО КАРАМАНОВ“
17,30 ч. ПРИСТИГНУВАЊЕ НА УЧЕСНИЦИТЕ НА 43 КАРАМАНОВИ
СРЕДБИ ВО РАДОВИШ (Центар за култура „Ацо Караманов“)
ОУ ЦЕНТАР ЗА КУЛТУРА АЦО КАРАМАНОВ – РАДОВИШ
18,00 ч. ЛИКОВНА ИЗЛОЖБА „АКАДЕМИК ТОМЕ СЕРАФИМОВСКИ – СКУЛПТУРИ И АКАДЕМИК СЛАВКО ЈАНЕВСКИ – ЛИКОВНИ ДЕЛА„
ИЗЛОЖБАТА ЌЕ ЈА ОТВОРАТ Борче Панов – писател и Соња Серафимовска – ќерка на академик Томе Серафимовски
СОЛО ПЕСНИ ОД АЦО КАРАМАНОВ – МЕЦОСОПРАН АЛЕКСАНДРА КОЦЕВСКА И ГЛИГОР ГЕЛЕБЕШЕВ – ПИЈАНО
„ПСАЛМОТ ЗА М-ЛЛЕ ЛИЛИ„ – ПОЕТСКИ ПЕРФОРМАНС СО СУЗАНА МИЦЕВА И МЛАДИТЕ АКТЕРИ МАТЕЈ ФИЛИПОВ И ЛИНА ДИМОВА И ЃОРГЕ МАНДАЏИЕВ ОД РАДОВИШ
„Mambo number five & Burlesque„ – ГАЗЕЛИ – кореографии на Изабела Ангелова
СВЕЧЕНО ОТВОРАЊЕ НА 45 КАРАМАНОВИ ПОЕТСКИ СРЕДБИ:
ПРЕТСЕДАТЕЛ НА ДПМ, СОЊА СТОЈМЕНСКА – ЕЛЗЕСЕР И БОРЧЕ ПАНОВ – ПРЕТСЕДАТЕЛ НА СОВЕТОТ НА 45 КАРАМАНОВИ СРЕДБИ
ПОЕТСКИ КАРВАН НА ДПМ – ПОЕТСКИ МОЗАИK, СО СИТЕ УЧЕСНИЦИ НА 45 КАРАМАНОВИ СРЕДБИ
ДОДЕЛУВАЊЕ НА НАГРАДАТА „KАРАМАНОВ 2018”
24 НОЕМВРИ, САБОТА
ОНБ „БРАЌА МИЛАДИНОВЦИ“, РАДОВИШ
10,30 ч. СРЕДБА НА МАКЕДОНСКИТЕ ПОЕТИ ХРИСТО ПЕТРЕСКИ И МАРИНА МИЈАКОВСКА СО МЛАДИТЕ ПОЕТИ И ЧИТАТЕЛИ ОД РАДОВИШ
11,00 ч. ПОЕТСКИ ПОРТРЕТ НА МАКЕДОНСКИОТ ПОЕТ
МИХАИЛ РЕНЏОВ, ОСВРТ – Д-Р КРИСТИНА НИКОЛОВСКА
11,30 ч. ПИСАТЕЛСКИ ПОРТРЕТ НА ПИСАТЕЛКАТА ФРОСИНА ПАРМАКОВСКА,
ОСВРТ – Д-Р МИШЕЛ ПАВЛОВСКИ
12, 00 Ч. КНИЖЕВНИ РАЗГОВОРИ НА ТЕМА „ПОЕЗИЈАТА И МУЛТИМЕДИЈАТА„, УЧЕСНИЦИ: Д-Р СОЊА СТОЈМЕНСКА – ЕЛЗЕСЕР, Д-Р МИШЕЛ ПАВЛОВСКИ, Д-Р ЛОРЕТА ГЕОРГИЕВСКА, Д-Р КРИСТИНА НИКОЛОВСКА, Д-Р ИВИЦА ЏЕПАРОСКИ, Д-Р АЛЕКСАНДАР ПРОКОПИЕВ И БОРЧЕ ПАНОВ
18, 30 ч. ПРЕТСТАВУВАЊЕ НА ПОЕТИТЕ – ГОСТИ ОД РОМАНИЈА, СЛОВЕНИЈА, БУГАРИЈА, КОСОВО И ЦРНА ГОРА
